يَارِيتْ بِتِرْجَعْ أَفْلَاذِ الْأَكْبَادْ
وَبْتِرْجَعِ الْأَيَّامْ وَبْتِرْجَعِ الْأَعْيَادْ
يَا عِيدْ كُفّ لَكْ عَيْنَا تْطِلّ عَلَيْنَا
وَجْنُوبْنَا بِيِدَمَّرْ وَيِنْبَادْ

❖ ❖ ❖

صِرْلُنْ عُمْرْ بِيِدَمِّرُوا فِينَا
وَاللهْ وَدَمّ الشُّهَدَا حَامِينَا
بِنِفْنِي الدَّهْرْ وَمَا حَدَا بِيِفْنِينَا
تُرَابِ الْجَنُوبْ عَزِمْ عَاطِينَا

❖ ❖ ❖

عَا رِيحِةِ الْبَارُودْ تْرَبِّينَا
وَدَرْبِ الشَّهَادِةْ سَلَكْنَا وَمِشِينَا
مَا هَزَّتْنَا كِلّ اجْتِيَاحَاتِ الْعَدُوّ
وَلَا قِدِرِ الْعَدُوّ يِمْحِينَا

❖ ❖ ❖

كِلّ أُمّ عَالْجَنُوبْ ابْنَا بْتُودِي
وَبْتِبْتِسِمْ وَبْتْجَهِّزِ الْعِدِّي
وَبْتِنَاوِلُو الْبَدْلِةْ مِنِ الْجَارُورْ
وَبْتِجِبْلُو سِلَاحُهْ عَنِ السِّدِّي

❖ ❖ ❖

وَبِينْحَنِي وَبِيْبُوسْ إِيْدَيْهَا
وَمَا قِلُّو قَلْبْ يِطْلَعْ بِعَيْنَيْهَا
وَبِيْقِلْهَا يَا أُمِّي لَا تْخَافِي
رَاحْ نَفِّذْ وَصِيِّةْ أَبِي وَجَدِّي

❖ ❖ ❖

وَلَوْ طَالْ غِيَابْنَا وَطُولِ الْمِشْوَارْ
دَمّ الشُّهَدَا بْتِظَلّ شُعْلِةْ نَارْ
وَمَهْمَا كَانْ بِأَرْضْنَا حَجْمِ الدَّمَارْ
رَاحْ نِرْجَعْ عَالْجَنُوبْ رَجْعِةِ الْأَحْرَارْ

وَبْتِنْجَلِي الْأَيَّامِ الْمِسْوَدِّي
وَعَا جَهَنَّمْ الْعَدُوّ بِنُودِي