بدكن تعرفو معنى الكرامة والشرف والعنفوان …. طلعوا عالجنوب، بس مش متل نواف سرقة وهريبة!
كتب الفنان يوسف حداد:
بدكن تعرفو معنى الكرامة
بدكن تشمو ريحة العنفوان
بدكن تدوقو طعم الشرف
بدكن تحسو شو يعني حب وصبر وتضحية وايمان
طلعو عالجنوب بس مش متل نواف سرقة وهريبة وشماتة وبروبغندا معيبة
طلعو لعند الناس الشرفا ل عم يشيعو اولادن واخوتن الابطال وشاركوهم العزة والالم والخسارة والاحتساب
طلعو عالارض الطاهرة ل حضنت دمن الغالي
طلعو لعندن ع ركام بيوتن وشوفو تعب السنين وشقى العمر ل راح فداء لنبقى مرفوعي الروس ومحافظين عالعرض
طلعو غرفو منن صبر وصمود ومسامحة لكل خاين غدار وتتلمذو وتعلمو تقولو أرضيت يا رب
بحبكم لتخلص الدني ومهما طال القهر سيبزغ مجدداً فجر النصـ.ـر لان الله حق ونحن على حق وهم الى الجـ/حيم
مش مهم صورك يكونو ع بانويات مع ضحكة انتصار وتفوق صفرا خبيثة المهم تملك القلوب وتسكنها وتشارك الناس وجعن وفرحن
