من مجزرة شارع جامعة الدول العربية
وبالتحديد في شارع جامعة الدول العربيةِ في الجيزة في مصر العربية.
اليكم تفاصيلها باللهجة المصرية الجميلة
بعد خراب مالطة وقطع مليون شجرة .. محافظ القاهرة” مش هنعمل كده تاني”!! ونور الدين يفجر مفاجأة : الحاجات اللي اتقطعت محتاجة 70 سنة علشان ترجع
بعد ما الخراب عم الشوارع والرماد غطى المكان، طالع علينا محافظ القاهرة بتصريحات متأخرة جداً بيعلن فيها وقف قطع أو تقليم الأشجار في العاصمة إلا للضرورة القصوى، وكأن القرار جه بعد ما مالطة اتخربت بالكامل والغطاء النباتي اتبخر من أطول وأهم شوارع مصر.
القرار ده جه بعد المأساة اللي شهدها شارع جامعة الدول العربية في المهندسين، لما الناس صحت على كابوس تجريف الشارع بالكامل وإزالة كل شبر أخضر فيه، العملية كانت فجة ومفضوحة للمواطنين وفجرت بركان غضب عارم، خصوصاً إن الجريمة دي مش الأولى من نوعها، بل هي استكمال لمسلسل قطع وتجريف الرقعة الخضراء اللي طال أحياء عريقة زي المعادي ومصر الجديدة ومناطق تانية في مختلف المحافظات.
بركان الغضب
المجزرة البيئية اللي حصلت في شارع جامعة الدول كشفت المستور وفجرت غضب الشارع والإعلام ضد سياسات حكومة مدبولي، اللي بات واضح للجميع إنها بتتعامل مع الخضرة والشجر كعدو لازم إزالته من المشهد.
الأشجار دي مش مجرد منظر جمالي، دي كانت المتنفس الوحيد للغلابة والبسطاء في حر الصيف القاتل، وهي رئة الأكسجين اللي بتنقي جو المدن المزدحمة، وهو وضع غريب ومش موجود في أي مكان في العالم اللي بيسعى للزيادة الرقعة الخضراء مش تجريفها.
الأزمة أظهرت حالة من السخط الشعبي والإعلامي والأكاديمى بسبب القضاء على المظاهر الجمالية والتاريخية للشوارع وتحويلها لمساحات خرسانية صماء تزيد من ارتفاع درجات الحرارة وتعدم جودة الحياة للمواطنين.
أسرار الفحم وتصديره وقطع الملايين
الغضب لم يتوقف عند حدود الشوارع، بل امتد لشهادات ومفاجآت فجرت جدلاً واسعاً حول الأسباب الحقيقية وراء هذا التجريف الممنهج. الإعلامية رانيا بدوي كشفت عن معلومات خطيرة تؤكد أن قطع هذه الأعداد الضخمة من الأشجار كان الهدف منه تصنيع الفحم وتصديره للخارج وإسرائيل تحديداً، وهو ما تقاطع مع ما ذكره الإعلامي نشأت الديهي بأن ما تم قطعه وصل إلى نحو مليون شجرة بالكامل من أجل تحويلها إلى أطنان من الفحم. هذه التفاصيل والمعلومات جعلت الرأي العام يتساءل بذهول عن الجدى الاقتصادية أو البيئية التي تدفع للتضحية بأشجار عمرها عقود من أجل صناعة الفحم وتصديره على حساب صحة وبيئة المواطن المصري.
محتاجين 70 سنة علشان نرجع الشجر تاني
الفاتورة الحقيقية لهذا التجريف كشف عن حجمها المرعب خبير الموارد المائية الدكتور نادر نور الدين، الذي فجر مفاجأة علمية وصدمة كبرى للجميع تؤكد صعوبة تعويض ما تم إتلافه.
نور الدين أوضح في تصريحات لقناة العربية أن الأشجار الضخمة والمعمرة التي تم قطعها وتدميرها تحتاج لما لا يقل عن 70 سنة كاملة من النمو المتواصل حتى تعود لسابق عهدها وتؤدي نفس الدور البيئي والمناخي. هذا التحليل العلمي يؤكد أن وعود إعادة الزراعة أو استبدال الأشجار بشتلات جديدة لن تحل المشكلة على المدى القريب، وأن الخسارة البيئية التي حدثت هي جرح عميق في جسد العاصمة سيعاني منه المواطنون لعقود طويلة قادمة.
مفيش ولا واحد اتحاسب
المدهش والمثير واللي يغيظ بجد أنه حتي هذه اللحظة مفيش ولا بني ادم اتحاسب علي اللي حصل في شارع جامعة الدول العربية ولا اللي حصل قبل كده ،مفيش موظف ولا رئيس حي ولا محافظ ولا اي حد تمت محاسبته أو اقالته رغم بركان الغضب الإعلامي والشعبي والأكاديمي
