هول ولاد بيوت
هول أصحابنا بالمدرسة والجامعة
هول زملاء إلنا بالشغل وبالحياة اليومية
هول أطيب قلب وأكرم ناس
هول وقت حدا يطلب منهم شي بموتوا كرمالك وقبلك
هول أوفياء وبس تحط ايدك بايدهم صادقين
هول عزيزي النفس والاخلاق
هول اللقمة بتمّك قبل تمّهم
هول مضيافيين وأحياناً زيادة عن اللزوم
هول لبنانيين ولبنانيات.
هول ونحن، بلا دولة وبلا وطن حقيقي….. هيدي الحقيقة🇱🇧
يا لطيف الظلم شو ببكي وشو بخزّق القلب مش بس بيقهره.
وهالمشاهد يا رب، يا رب تخللي كل واحد وواحدة بلبنان، للحظة واحدة يوقفوا مع وقدام حالهم ويقولوا: هل معقول هيك مشاهد وعالهواء ما تخليني ارجع شوف أنا، انسانيتي واخلاقياتي ولبنانيتي وديني والرب يلي بعبد، شو بيطّلبو منّي بهالمرحلة الدقيقة والمصيرية بعمري وبعمر وطني يلي اسمو لبنان؟
عمرها ما تكون سياسة وعمرو ما يكون أحزاب وعمرو ما يكون زعماء ولا رؤساء… بس فعلاً عمركم وضميركم كيف بدكم ياهن
من اليوم ورايح يكونوا نحن، نحن كلبنانيين ولبنانيات؟
ولاد بيوت ورح يضلهم ولاد بيوت
كل الاحترام والحب لعذابكم ولخوفكم وللثمن يلي إلكم من ٧٨ سنة عم تدفعوه انتو وأهلكم وجدودكم كرمال هالارض وهالوطن يلي بتموتوا فيه ومتّوا كرمالو… يا رب 🫡🇱🇧💔
#أنا_لبنانية🇱🇧
#يا_رب
