ليش إنت يا ابني مش أنا.؟…
_سامحيني يا إمي ما قدرت كمّل هالعمر معك يا فيروز..
_مع مين بدي اشرب قهوتي يا ابني عاصي تركني ومنصور فل عشت سنين ما حدا بيشوف دمعتي ..هيك بتفل وبتتركني .
_ بتحمّل كل شي يا إمي بس دمعة فيروز ما فيني شوفها نازلة ..
_دمعتي يا إمي مسحلي ياها علم لبنان وصدر إم المسيح اللي رتلتلها بالٱلام …صوتي راح يا زياد ..إختنق يا إبني..
_صوتك مزروع بين غصون الأرز والبخور.وبدينين القديسين ..
_إذا سألوني الناس ..شو بقلهن ..
_قوليلهن نطرونا كتير ..بس رح نرجع نتلاقى ..قوليلهن من قلبي سلام لبيروت قوليلهن زياد صار لازم يودعكن …وانتو تخبرو عنو..بتعرفي شو يا إمي أصعب شي بهالدني مش الموسيقى اللي اشتغلتها ولا المسرحيات اللي قدمتها ولا الحفلات اللي عملتها ..
_شو يا إبني ..
_اصعب شي يفل الإبن من هالدني قبل اهلو الكبار ..وهني يمشو بدفنو وهوي فوق مش قادر يوصل لعندهن ليلقّط دموعهن بمحرمتو ….سامحيني يا فيروز..
_قولك ليش ربنا بعت وراك قبلي
_لأنو يا إمي في ستة مليون بلبنان عايشين مش من الأكل والشرب ..عايشين بس لأنو بيسمعوا صوتك كل يوم ..انتبهي ع حالك يا إمي ..بخاطرك..
_طلعلي البكي ع طريق النحل لمن هدير البوسطة راح واخدلي إبني معو…
المسيح قام ..تعازيي الحارة بالكبير زيادالرحباني وٱل الرحباني الكرام وعلى رأسهم كبيرتنا فيروز ..
