من زمان وانا بحب المياه يمكن من قبل ما اتعلم اعوم حتى كنت دايمًا ببص على الناس اللي بتعوم وانا في قلبي احساس غريب انا اريد ان اكون زيهم وفعلا بدأت اتعلم السباحة من وانا صغير وخدت الموضوع بجدية مش بس كهواية لكن كجزء من حياتي
في اول يوم ليا في الميه كنت بخاف اغمس وشي كله لكن مع الوقت والمدربين والمجهود بدأت اتحسن يوم ورا يوم بقى عندي ثقة في نفسي وكل حركة جديدة كنت بتعلمها كانت فرحة كبيرة ليا مكنتش متخيل ان السباحة هتغيرني بالشكل ده بس فعلا خلتني اقوى واهدى في نفس الوقت دخلت بطولات كتير وكل بطولة كانت تحدي جديد وتجربة مختلفة سواء كسبت او لا كنت دايمًا بطلع منها بحاجات بتخليني ارجع اقوى
وانا ماشي في طريق السباحة بدأت ألاحظ قد ايه جسمي بيتغير عضلاتي بقت اقوى نفسي اطول وبقيت عندي طاقة مش طبيعية حتى لما كنت بمرض كنت اتعافى اسرع من قبل لكن مش بس كده السباحة ريحتني نفسيًا كل ما انزل الميه بحس اني في عالم تاني بتخليني اهدى ابعد عن التوتر وبتديني احساس بالسلام كده مش بلاقيه في اي حاجة تانية كمان بقيت بنام احسن ومزاجي اتحسن جدا وده ساعدني حتى في دراستي وحياتي اليومية
النهارده السباحة مش مجرد رياضة بالنسبة لي هي جزء مني اتعلمت منها الصبر الاصرار وعدم الاستسلام خلتني اؤمن ان اي حاجة ممكن تتحقق بالممارسة حتى لو بدأت بصعوبة
لو في حاجة حقيقي غيرت حياتي فهي السباحة علمتني اكون افضل نسخة من نفسي وخلتني اعيش لحظات عمري مش ممكن انساها علشان كده انصح اي حد لسه متعلمش السباحة انه يبدأ دلوقتي لان المياه مش بس مكان للعوم دي كمان مكان للاكتشاف اكتشاف نفسك
